Pür-nevâ-yı âh ile âheng idince sâz-ı aşk

Gazel

 

Pür-nevâ-yı âh ile âheng idince sâz-ı aşk

Bezm-i uşşâka gelüp raks eyledi şehnâz-ı aşk

 

Bülbül-i gülzâr-ı vahdet sırr ider sırr-ı güli

Fâş olur âh-ı hezârın kesretinden râz-ı aşk

 

Pek atılma ruh-güşâ olmaz o şâh-ı hüsn ü ân

Mât olursun başka bir mansûbedir açmaz-ı aşk

 

Bezm-i rindâna basınca sâkî-i Çînî ayag

Zâhir oldı kâse-i fagfûrdan âvâz-ı aşk

 

Kâf-ı istignâda pervâz itse de ankâ-yı dil

Sayd ider şehbâl-i kudretle anı şehbâz-ı aşk

 

Çille-i cevri çeküp saht-ı kemân-ı çarhdan

Taş dikerse menzil-i maksûda tîr-endâz-ı aşk

 

Nutk-ı hâfızdan olur ehl-i mahabbet rinde dil

Âb-ı hayvândır Fehîmâ bâde-i Şîrâz-ı aş

 

Süleymân Fehîm Efendi (1262). Dîvânçe-i Fehîm. İstanbul. 19, 30.