Rahşiyye-i Giryânî

Her bir çil-i çâbük-per ü esbân-ı devâna

Mağrûk ediver serv-i çemânı seyelâna

Hûbân-ı firîbende-i âlem budurur bu

Bir gayra vidâd âdemi dûş itti ziyâna

Istabl-ı safâ içre harûn-ı gamı nah' it

Bak vakt-i zemistândaki te'sîr-i cinâna

Ey tevsen-i nâzân hatar-ı çarh nedür kim

Sen bâdire-i âzam iken devr-i cihâna

Mişvâr-ı cibâl-efgenin ey şâhid-i şehbâz

Kim rağbet eder cârî iken seyf ü sinâna

Ey eblak-ı rahşân ne bu sür'at ki alır çarh

Feyz-i feyezânın dem-i tertîb-i zemâna

Şebdîz-i cinân-tâb hibâl-i dil ü cânsın

Na'l-i felek-âşûbına sûr oldı nişâne

Ey mübtıl-ı dâvâ-yı لِيَفْجُرَ اَمَامَهُۚ

Ey mücmel-i fehvâ-yı نُسَوِّيَ بَنَانَهُ

Ey eşheb-i meh-meşreb-i reşk-âver-i horşîd

Ey aşkar-ı gül-leşker ü masbûğ-ı zebâne

Vey edhem-i keyvân-tırâz u fer-i sidre

Bak mahrek-i arz ol felek-i Zühre-şubâna

Tahrîk-i düvâl eylese sehv ile sabâ kim

Döymez yıkılur kalb-i urûş ol halecâna

Gördün mü kecîmini tekâverde ki gördi

Sührâb zıl-ı sümmini kef kıldı o şâna

Cibrîle sıbâk üzre idi ettiği nüzhet

Itlâle zemîn üzre hemân oldu bahâne

Hızr eyledi satlından o gülgûn-ı vezânın

Bir âb-ı musaffâ ki sunar teşne-i câna

Cevlân-ı cihân-tengi ki zilzâl-i cenândır

Reftâr-ı felek-dûzı sebakdır heyelâna

Şükr ettiğimiz Îzed-i Rahmâna ki râiz

Hîç itmemiş ihzâr anı irhâ-yı inâna

El-kıssa be-her şâhid-i şehbâz-ı hisâna

Mağrûk ediver serv-i çemânı seyelâna

Ey lerze-resân-ı dil-i eflâk-ı tahayyül

Dümbâl-i kümeyt-i kalemin erdi benâna

Gör âlemi ter'îş ider ol cerbeze-mahsûl

Tahrîk buyurdukça cevi ceng-i beyâna

Ol cev ki ider rahş-ı dili gaşy-püşîde

Feyz-i feyezân-ı müli ser-best-i bahâne

Bu tayy-ı ekâlîm-i tezâd eyler iken ol

Mahkûm berâyâ-yı kurâ-yı hezeyâna

Itnâb yeter kilki ko Giryânî ne denlü

Olsan da tırâzende-i ervâh-ı revâne

Âhır açıver Hazret-i Sübhâna ki destin

Meyl itmeye hergiz dahı irhâ-yı inâna

Sahrâ-yı niyâz içre küheylân-ı zamîrin

Çok görmeye ol şîhe-i ümmîdi bu yâna

Tâ rûz-ı tenâd ol emel üzre ola kâim

Kim degmeye pâyi hacer-i ye's-i girâna

(Bana ait bir atlada medhiye kasidesidir)