Rakîb-i rû-siyaha âh der-be-der kalası

30.07.2017

Mefâ‘ilün Fe‘ilâtün Mefâ‘ilün Fe‘ilün
 
1. Rakîb-i rû-siyaha âh der-be-der kalası
Gelür o sûfi hakuñdan senüñ tomuz çalası
2. ‘Adem diyârına salmış salası ‘ışk beni
Bu subh pîr-i mey okutmışa su salası
3.3a Anası hemşîresi duhter-i rezüñ meger eşk
Degül mi mug-beçenüñ duhter-i rezüñ halası
4. Havâle eyledi çün tîr-i kadd-i bâlâsın
Şu âh-ı ‘ışk Kırîmında bir Tatar balası
5. 5b İçine akdıgı hûnı Kızılcaırmaguñ
Budur ki rengi meger cûy-ı eşküme cilası
6. Kenâr-ı cûy-ı sirişke konup hayâl-i hatuñ
Zıyâsın eyledi yagma kara gavur kalası
7. Bu meş‘al-i gama ‘akkâm istemez ‘uşşâk
Omuzlarında gezer tâ sabâh mâşılası
8. Rakîb ardı sıra geşt ider o şeh-nâzuñ
Gelür giriden ‘adûnuñ müdâm marşılası
9. Hemân bir göçer öliye döndi ‘uşşâkuñ
Ne İnebahtısı kaldı gamuñ ne Tırhalası
10.10b Kul oglı sevme hele kanına susamakdur
Kazâ kılıçlarıdur dillerindeki palası
11. Göñül başın salarak kalkdı hºâbdan bu sabâh
Düşünde gamze meger tîgın üstüne salası
12. Gözin elâsına mâ’il olup alındı göñül
Meger ki gamzede bir gûşeden beni alası
13. Miyân-ı bahrda girdâblar görüp didi yâr
Hayâl-i nâf ile dil lücce-i gama talası
14. Hayâl-i vasl ile düşdi rakîb arduña hep
Asıldı ardımıza mihnetüñ de ardalası
15. Güzellerüñ hele bak çala kullanılmışına
Belâ olur sege sırçalu parçalu palası
16. Nigâhdan katı güç kurtılur hele Kânî
Meger ki iki yanın ala belde kurtalası
Dr. İlyas YAZAR , K Â N Î D Î V Â N I, Ankara 2012
 
 

Yorum Yapmak için Kayıt Olun veya Giriş Yapın

Yorumlar