Rakîbi meclisine mahrem itmesen ne olur

 

Mefâ‘ilün Fe‘ilâtün Mefâ‘ilün Fe‘ilün

 

 1 Rakîbi meclisine mahrem itmesen ne olur

 Gürûh-ı ehremeni âdem itmesen ne olur

 

 2 Gül-i ‘izârını eşkümle itme pejmürde

 Şerâr pâreleri şebnem itmesen ne olur

 

 3 Gazâl-ı vahşî-i çeşmün bizümle râm oldı

 Sen ey perî dahı bizden rem itmesen ne olur

 

 4 Yeter kemend-i mahabbet dil-i giriftâre

 Esîr-i turre-i ham-der-ham itmesen ne olur

 

 5 Vazîfe-i dil-i zârı zülâl-i vaslundan

 Ziyâde itmez isen de kem itmesen ne olur

                                                           

6 Degül mi her biri câm-ı cihân-nümâ Âgâh

Bu tâze daglara merhem itmesen ne olur

 

 

Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,