Mü’minlerin bayrâmıdır geldi yine şehr-i sıyâm
Belki Hudâ’nın nâmıdır geldi yine şehr-i sıyâm
Bu ümmete lutf u atâ affolunur her bir hatâ
Hakk’ın bize in’âmıdır geldi yine şehr-i sıyâm
Rahmetle ğufrân andadır her türlü ihsân andadır
“es-Savmu lî” encâmıdır geldi yine şehr-i sıyâm
Tamûdan âzâd eylemek Cennetle dilşâd eylemek
Bu günlerin ikrâmıdır geldi yine şehr-i sıyâm
Bu aydadır ey mü’min inzâl-i Kur’ân-ı Mübîn
Dîn-i celîl ahkâmıdır geldi yine şehr-i sıyâm
Kadrin bilen buldu şeref bu farkı etme telef
Savm u salavât eyyamıdır geldi yine şehr-i sıyâm
Kur’ân oku eyle salavât îfâ edilsin hem zekât
Hayr etmenin hengâmıdır geldi yine şehr-i sıyâm
Remzi hakîr sâ’im ol ağyârı terk et yâri bul
Bayramların bayrâmıdır geldi yine şehr-i siyâm
Ramazan-ı şerif hediyesi olarak Semâhatli Hacı Hafız İsmail Fehmi Efendi büyüğüme takdîm-i âcizânemdir. (İsim yok, imza okunamadı)[4]