Redd-i Matla : İrişür câna râhat kûy
23.11.2021
İrişür câna râhat kûy-ı dilberden nesîm esse
Husûsâ çîn-i zülfinden gelüp ΄anber-şemim esse
Semûm-ı herc-i yârün ehl-i ΄aşka itdügin itmez
Hevâ olsa cehennem âteşi nâr-ı cahîm esse
Rakîb-i nâ-kabûl esmiş savurmuş yâri incitmiş
Agırdur âdemün başın hevâ gâyet hamîm esse
Kalur mı bâg-ı dilde bir açılmaduk gül-i ümmîd
Nesîm-i himmet ü ihsânun ey şâh-ı kerîm esse
Gelür tîri muvâfık rûzgâr olursa ey Yahyâ
İrişür câna râhat kûy-ı dilberden nesîm esse (G/304)
ŞEYHÜLİSLAM YAHYA DİVANI EDEBİ KİŞİLİĞİ
