Ruh-ı yâri esîr-i zülf olan dil-besteler gözler

121

 Mefâ`îlün mefâ`îlün mefâ`îlün mefâ`îlün

 

1 Ruh-ı yâri esîr-i zülf olan dil-besteler gözler

 Gice bî-hâb olup bîmâr olan dâ'im seher gözler

 

2 Halâs itmek elinden kuşca cânı nice mümkindür

 Iki ebrû kemânın toldurup hançer çeker gözler

 

3 Gözin yummaz ruhını zerd ider râh-ı meşakkatde

Şu kim nergis gibi `âlemde bir sâhib-nazar gözler

 

4 Bir âhûyı şikar itmek diler dil nice demlerdür

 Ne tâli`dür düşürmez fırsatını şol kadar gözler

 

5 Sirişkümle ten-i hâküme `aşkunda zarar gelmez

 Mahabbet Hızr u Ilyâs'ı ki dâ'im bahr u ber gözler

 

6 Bu dâr-ı köhnenün nakş u nigârına halel virmen

 Anı hâlî tasavvur eylemen kim niçe er gözler

 

7 Gözin açar dem-i teslîmde bîmâr olan Yahyâ

 Makâm-ı kurb-ı Hak'da kendüye bî-çâre yer gözler

 

Hasan KAVRUK,  ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞIhttps://ekitap.kulturturizm.gov.tr/Eklenti/

 

       Şeyhülislam Yahya Hayatı Divanı ve Şiirleri

       17. Yüzyıl Divan Şairleri Nabi Nefi Naili Neşati Şeyhülislam Yahya Hayatları Eserleri

       Şeyhülislam Yahya Hayatı ve Edebi Kişiliği