Rûm’a ayak basdı olmaz leşker-i Tâtâr zabt

362

Fâ‘ilâtün/ Fâ‘ilâtün/ Fâ‘ilâtün/ Fâ‘ilün

 

Oldı yagmâ mülk-i hüsn olmaz hat-ı ruhsâr zabt

Rûm’a ayak basdı olmaz leşker-i Tâtâr zabt

Gamzeler kan itdügin ‘arz eyledi ol şeh didi

Kanda olur kâ'inâtı eylemek her bâr zabt

Dir işiden na‘ra-i ‘uşşâkı kûy-ı yârda

Vaz gelmiş eylemekden ‘âlemi hünkâr zabt

Gitdi benden ‘akl u hûş u sabr u ârâmum temâm

Mülk-i yâre dâhil oldı şimdi eyler yâr zabt

238

Kûyuña gelmiş rakîbi sür çıkar didüm didi

Bir sipâhîdür henüz itmiş degül tîmâr zabt

Cânum almasun kıya bakışlaruñ didüm didi

Kendüyi mümkin midür kim eyleye bîmâr zabt

Sad hezârân hayf kim Ravzî beyâbân seyr ider

Mülk-i hüsn-i yâri eyler dâ'imâ agyâr zabt

 

Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009