Fâ`ilâtün fâ`ilâtün fâ`ilâtün fâ`ilün
1 Rûy-ı `âşık gibi ey berg-i hazân kim zerdsin
Var ise ol nahl-i bâg-ı hüsn içün pür-derdsin
2 Sen de ey âhum olup eşk-i revânum gibi germ
Incidirsin hâtır-ı uşşâkı gâyet serdsin
3 Gerçek erdür bakmayan nakş-ı nigâr-ı `âleme
Mâ'il-i ârâyiş-i dünyâ degülsin merdsin
4 Sana erbâb-ı mahabbet içre olur mı nazîr
Yalınız yolına cân virmekde yârün ferdsin
5 Gözine girsen adûnun nola ey Yahyâ bugün
Sen de râh-ı aşkda pâ-mâl olan bir gerdsin
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147