Fâ`ilâtün fâ`ilâtün fâ`ilâtün fâ`ilün
1 Rûy-ı dil-ber al kâgaz `anberîn mû anda hat
Sâyesi müjgânınun i`râb benlerdür nukat
2 `Aşıka Bagdâd ırak olmaz vücûdun fülkini
Cûy-ı eşkün kûy-ı yâre irgürür mânend-ı şatt
3 Bâg-ı hüsnün goncesin tûtî-i gûyâ gösterür
Nice sâhir-pîşe olmış ol cevân-ı sebz-hatt
4 Mâ'il olmaz dil zen-i dünyâya bir hûb anlayup
Bâde-i gafletle medhûş olmayan itmez galat
5 Yazılurdı hâtır-ı mecrûh-ı Yahyâ dostum
Kâtib-i vasfun ideydi üstühânından mıkât
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147