rūz-ı ˓ayş içün felekde mihr-i raḫşāndır ḳadeḥ

fā˓ilātün / fā˓ilātün / fā˓ilātün / fā˓ilün]

1 rūz-ı ˓ayş içün felekde mihr-i raḫşāndır ḳadeḥ

bezm-i şebde devr-i dā˒im māh-ı tābāndır ḳadeḥ

2 cā˒iz-i ḳadḥ-ı mu˓āllā-yı neşāṭ olmuş yine

encümende bir ayaġıyla şitābāndır ḳadeḥ

3 ṣanma kim b/hūdedir cūş-ı ḥabāb-ı bādeyi

˓ārıż-ı sāḳ/ye ṣad-çeşm ile ḥayrāndır ḳadeḥ

4 pür-mey-i gül-gūn görüp ṣandım dehān-ı yārda

ḥoḳḳa-yı yāḳūtda la˓l-i Bedaḫşān'dır ḳadeḥ

5 Vehbiyā elden bıraḳmazsa n'ola rindān kim

dest-ḫoş-ı Ḫüsrev ü Cemş/d-i devrāndır ḳadeḥ

Yrd. Doç. Dr. Ahmet YENİKALE, SÜNBÜL-ZÂDE VEHBÎ DÎVÂNI, Kahramanmaraş 2012

Sünbülzade Vehbi Hayatı