Harfü’l-bâ
 
13.
-.-- / -.-- / -.-- / -.-
 
Rûzi-i nefsüm içün gezdürme yâ Rab bâb bâb
Merd-i kâni‘ eyleyüp ben zârı kıl ‘izzet-me’âb
İktisâb-ı zahr-i âhirle sa‘âdet bulmaga
Gafletüm ref‘ eyle çeşmümden benüm mânend-i hâb
Yâ İlâhi zulmet-i ‘isyânda güm-râhuz meded
Nâr-ı hicr-i ba‘d ile redd eyleyüp virme cevâb
Merdüm-i dîdem nedâmetle sen eyle eşk-rîz
Âteş-i âh-ı te’essüf –gûyumı eyle şihâb
Ravza-i firdevse idhâl eylesün lutfuñ beni
Koyma nâr-ı dûzaha cürmüm olursa sad-kitâb
Hüsn-i îmânum kabûl it cürmümi ‘afv eyle kıl
Nüsha-i ‘isyân olan ketb-i vücûdum intihâb
Levh-i mahfûz41uñda nâmum ger şakîse yaz Sa‘îd
Olmayam şermende beyne’l-mü’minîn rûz-ı hisâb
 
 
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636