mefâ‛ilün fe‛ilâtün mefâ‛ilün fe‛ilün

 

1 Sabâ hevâ-yı dil-i zârı yâr bâgına sal

Figân u firkatimi ol gülüñ kulagına sal

2 Hevâ-yı vasl ile çün gâhvâre muztaribim

O tıfl-ı nâzı bu hasret-keşiñ kucagına sal

3 Düşür silâh-ı fütüvvetle bezm-i rindâna

Göñül o şâh-levendi levend ocagına sal

4 Zuhûr-ı mevsim-i hatdır revâc-ı bender-i vasl

Nesîc-i deffe-i ümmîdiñi taragına sal

5 Belâ-yı şahne-i gamdan halâsıñ ister iseñ

Lebîb sen seni pîr-i meyiñ ayagına sal

 

Kurtoğlu, Orhan (2004). Lebîb Dîvânı (İnceleme-Tenkitli Metin- Sözlük). Doktora Tezi. Ankara: Hacettepe Üniversitesi. 567