Saçuñ sevâdını göz kim göre karara gelür (197/1)
Düşen göñül bu belâya kaçan karâra gelür
 
Nice karara göñül senden ayru kim sensüz (197/2)
Gözüme nûrı günüñ dün bigi karara gelür
 
Bu resme var ki kılalar cefâyı agyâre (197/3)
Senüñ gözüñ ne kazâ oh ki ata yara gelür
 
Ne yara kim gelür ise gözüñ haœenginden (197/4)
Bu başlu bagruma uş yüregümi yara gelür
 
Lebüñ hayâli gözüme gelür-ise ne aceb (197/5)
Deñize çün düşe gavvâs dür kenâra gelür
 
Yüzüñe vâlih ü zülfüñe fitneyem zîrâ (197/6)
Ne kim yazıldı-sa başa ag u kara gelür
 
Cemâlüñüñ sıfatı bigi Ahmedî derdi (197/7)
Ne hod kıyâsa düşer râst ne ol şümâra gelür
 
Dr. Yaşar AKDOĞAN, Ahmedî DÎVÂNI, T. C. KÜLTÜR VE TURİZM BAKANLIĞI, 3141 KÜLTÜR ESERLERİ 424