Saçuñ vasf itmede cânâ ne mihnetler çekilmişdür

 

77-

Mefâ`îlün Mefâ`îlün Mefâ`îlün Mefâ`îlün

 

1 Saçuñ vasf itmede cânâ ne mihnetler çekilmişdür

 Beyâza çıkmada hattuñ ne zahmetler görilmişdür

2 Senüñ râz-ı dehânuñ fehm idüp hıfz itmiş anuñçün

 Mu`ammâ kısmınun ey nükte-dân adı çekilmişdür

3 Gice kasd eylemiş âheng-i âhum çıkmaga çerhe

 Senüñ kûyuñ koyup yabana gitmişdür yañılmışdur

4 Bugün mey-hâneden mescid temâşâ kılmaga vardum

 Kanâdîl adına gördüm ki bî-hadd câm asılmışdur

5 Hevâ-yı zülf-i dil-berde Ziyâ’î berg-i ümmîdüm

 Gül-i gül-şen gibi ber-bâd olup gitmiş tagılmışdur

 

 

Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ