Saçuñ vasfını şerh iden ne kim söylerse çîn söyler

Saçuñ vasfını şerh iden ne kim söylerse çîn söyler (196/1)

Yañaguñdan sor için key latîf ü nâzenîn söyler

 

Dudaguñ añıcak sözüm anuñ-çun rûh ider tâze (196/2)

Ki anuñ şîrîn ü ter sözin baña Rûhü’l-Emîn söyler

 

Hilâle beñzeden sinüñ kaşuñı kej-hayâl eyler (196/3)

Kadüñ tûbî-durur diyen sözüñ key râstın söyler

 

Gül üzre nergisi gördüm gözüñüñ şîvesin añdum (196/4)

Gül eydür bülbüle hâmûş ki ol sihr-âferîn söyler

 

Dişüñüñ nazmını añdum baña gavvâs-ı fikr eydür (196/5)

Zihî bahr-ı macânî kim sözi dürr-i semîn söyler

 

Dilüñ her söze kim başlar gönül karşusına eydür (196/6)

Ki bu tûbî-nîşîn tûtî-sözüñ key şekkerin söyler

 

Gözüñi fitnedür didüm kamer devrinde  akl eydür (196/7)

Bu rûşen ki Ahmedî her söz ki dir ayne’l-yakîn söyler

 

Dr. Yaşar AKDOĞAN, Ahmedî DÎVÂNI, T. C. KÜLTÜR VE TURİZM BAKANLIĞI, 3141 KÜLTÜR ESERLERİ 424