Safâ geldin eyâ enfâs-ı kudsiyyen dem-i İsâ

Seni gökde ararken yerde buldu âşık-ı şeydâ

 

Mübârek nâğme-i nusret makâmât-ı kudümünden

Çalındı gûş-ı cân-ı âleme avâze-i büşrâ

 

Guzât-ı müslimîne kuvvet-i kalb oldu teşrifin

Hümâyûn feth-i fîrûzu mübârek gazve-i kübrâ

 

Yedi iklîme gitdi satvet-i kudsiyye-i azmin

Kıral-ı seb’aya dağ oldu te’sîrât-ı heft esmâ

 

Gören Hızr’ı hidâyet rehber olmuş diyü fâl eyler

Yeşil sancak hırâmân olsa kuddâmında Hızr-âsâ

 

Edip hûrşîd-i pür-zer mehçe o râyât-ı ikbâle

N’ola çerâğ olsa sancakdârın ey kutb cihân-ârâ

 

Bu resme nakl eder evsâfını ser-levh-i manâya

Edince midhate agâza kilk-i menkabet-pîrâ

 

Azîz-i muhterem Şeyh Mesîh-i enfâs-ı muciz-dem

Medâr-ı kutb-ı âlem arş-ı a’zam mürşid-i dünyâ

 

Sâbit, Dîvân, İstanbul Üniv. Ktp. TY. 519, vr. 5b. (Abdülbâki Gölpınarlı, “Niyâzî-i Mısrî”, Şarkiyat Mecmuası, C. VII, İstanbul, 1972, s. 225’ten naklen)

 

 

       Bosnalı Sabit Edebi Yönü ve Şiirleri( 17 yy)

       Bosnalı Sabit’in Zafernamesi Ve Diğer Eserleri

       Cemreviyye Nedir Bosnalı Sabit Cemreviyyesi