Safâ-yı hâtırum oldur seni safâda görem

Mefâ`ilün fe`ilâtün mefâ`ilün fe`ilün

 

 1 Safâ-yı hâtırum oldur seni safâda görem

 Bu ben belâ-keşi hicrânuna vefâda görem

 2 Hemîşe hürrem ü handân u şâdmân olasın

 Hemîşe gonce-i ikbâlüni güşâde görem

 3 Hilâl gibi terakkîde mâh-ı tâbân ol

 Fürûg-ı hüsnüni günden güne ziyâde görem

 4 Ne zevkdür ne safâdur ne hazdur ey sâkî

 Seher humârdan açup gözümi bâde görem

 5 Budur du`âsı sana rûz u şeb Yahyâ'nun

 Seni safâda vü bed-hâhunı cefâda gören

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147