Şafak aksinden ola mı-y-dı gül-gûn

Şafak aksinden ola mı-y-dı gül-gûn

Eger olmasa gözüm yaşları hûn (481/1)

Bu dudah mı aceb yâ lal-i sîr-âb (481/2)

Bu dişler mi aceb yâ dürr-i meknûn

Göñül olmış saçuñ bendine meftûl (481/3)

Nite kim cân gözüñ sihrine meftûn

Nicesi diyeyim zülfüñe anber (481/4)

Ki müşgi ol idüp-durur ciğer-hûn

Saçuñ sevdâsına çâre dilerdüm (481/5)

Didiler sabr-durur aña macûn

Namâzumda kaşuñ mihrâbın anup (481/6)

Dilüme gelmez illâ sûre-i Nûn

Gözüñden ne füsûn oldı_Ahmedîye (481/7)

Ki itdi_anı saçuñ sevdâsı mecnûn

Andan berü ki cân-ıla sevdüm bu şahı ben (482/1)

B’illah getürdüm gözüme mihr ü mâhı ben

Yûsuf bigi_oldı_esîr zenahdânuña göñül (482/2)

Çâh-ı belâ-durur bilür-iken bu çâhı ben

Ol zülf ü hâl u kaşlaruñı gözedür gözüm (482/3)

N’idem ki pend ala bu baht-ı siyâhı ben

Kaşuñ halâl ider gözüñe kanumı benüm (482/4)

İtdüm kabûl kanuma bu kej-güvâhı ben

Niçe ki ayrulıguñuñ odında inleyem (482/5) c

Ummâna yaşı irgürürem çarha âhı ben

Zülfüñ hevâsınuñ yolı teşvîşdür tolu (482/6)

Müşkil budur ki terk idemezem bu râhı ben

Bildüm günâh-ımış seni cân-ıla sevdügüm (482/7)

Ne çâre küfr olur korısam bugün âhı ben

Minnet Haka ki sürdüm ayaguña yüzümi (482/8)

Ummaz iken bulam diyü bu desti-gâhı ben

Dirler ne vakt virdüñ aña Ahmedî göñül (482/9)

Ne diyeyim çü bilimezem sâl u mâhı ben

 

 

 

Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,