Sâgar-ı sahbâ-yı ışkı yine der-dest eyledik

 

144

 (Fâilâtün Fâilâtün Fâilâtün Fâilün)

 

 1 Sâgar-ı sahbâ-yı ışkı yine der-dest eyledik

 Nice huşyâr-ı Felâtun-derki ser-mest eyledik

 

 2 Geh hat u geh gerden-i billûrun etdik cilvegâh

 Kişver-i hüsnünde şâm u şarkı gül-geşt eyledik

 

 3 Her yeri pâ-mâl-i şevk eyler ayag-ı bezmimiz

 Biz bu vâdîde nice kûh-ı gamı deşt eyledik

 

 4 Çeşm-i mestinle bizi ser-beste-i lutf et seni

 Zabt u rabt-ı âlem-i mestîde serbest eyledik

 

 5 Neşvesi keyfiyyet-i şâhâna vermez itibâr

 Haşmetâ sahbâ-yı ışkı yine der-dest eyledik

 

 

Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ