Sahbâ-yı lebin çeşm-i füsûkâra mı mahsûs

Sahbâ-yı  lebin çeşm-i füsûkâra mı mahsûs

 Feyz-i dem-i Îsâ iki bîmâra mı mahsus

 

Söndürme çerâg-ı dilim ey zâhid-i bed-kîş

Vuslat senin indinde şeb-i târe mi mahsûs

 

Biz bülbülüz ey hüdhüd-i tâc-âver-i ma’nâ

 Feyz-i ezelî merd-i külahdâre mi mahsûs

 

Sen hûn-ı dili eyle gözüm mani-i rengîn

 Bu neş’e hemân sâIar-ı ser-şâre mi mahsûs

 

Mest etdi beni her suhan-ı telh ile cânân

Bilmem bu edâ la’l-i şeker-bâre mi mahsûs

 

Der-hâb olanı n üstüne togmaz mı aceb mâh

Devlet melegim tâli-i bîdâra mi mahsûs

 

Gâlib bilemem âlem-i bâlâ-yı hünerden

 Yarân-ı hased gülşen-i eş’âre mi mahsûs

 

https://ekitap.kulturturizm.gov.tr/Eklenti/10654,metinpdf.pdf?0