266
Mef‘ûlü Fâ‘ilâtü Mefâ‘îlü Fâ‘ilün
1 Sahrâ-neverd-i ‘aşkuŋ olan mesken istemez
Dil-teng-i derd-i hecr ü gamuŋ gülşen istemez
2 Dûzahla itme mücrimi tahvîf zâhidâ
Âdem bihişti Hak var iken senden istemez
3 Seyr-i ruh-ı cevândan olur pîr sîr-çeşm
Kandîl-i bî-şu‘â‘-ı subuh revgan istemez
4 Çeşm-i ümîd-vâr kerîmâna bestedür
Mezra‘ ki hâsıl olmaya pervîzen istemez
5 Esbâbına şürû‘ iledür iktisâb-ı câh
Takbîlden teneffür iden dâmen istemez
6 Bî-sûz-ı dil sirişk-i revân kâr-sâzdur
Germ-âbe kim Hudâyî ola külhen istemez
7 SÂKIB esîr-i derd-i hasûdan kabâ degül
Yûsuf miSâli bir dahi pîrâhen istemez
Dr. Mehmet KIRBIYIK, KÂTİB-ZÂDE SÂKIB DÎVÂNI, https://ekitap.kulturturizm.gov.tr/Eklenti/10622,katibzade-sakibpdf.pdf?0