Şâhum bu şevket ile Sultân Selîme beñzer

142-

Mef`ûlü Fâ`ilâtün Mef`ûlü Fâ`ilâtün

 

1 Zülfüñ ruhuñda cânâ cân üzre cîme beñzer

 Gûyâ femüñ yüzüñde mushafda mîme beñzer

2 Hüsnüñ garîb-i `âlem zülfeynüñ iki miskîn

 Dendân-ı bî-nazîrüñ dürr-i yetîme beñzer

3 Her kanda `azm iderse yanınca cünd-i `uşşâk

Şâhum bu şevket ile Sultân Selîme beñzer

4 Kaddüñ diraht-ı cennet “tûbâ l’imen re’âhu”

 Ey reşk-i hûr kûyuñ bâg-ı na`îme beñzer

5 Mâlik degül Ziyâ’î kim deprede zebânı

 Hicr odı hak budur kim nâr-ı cahîme benzer

 

 

Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ