Sâkî-i bezmün alınmadı elinden câm-ı mül

Fâ`ilâtün fâ`ilâtün fâ`ilâtün fâ`ilün

 

 1 Sâkî-i bezmün alınmadı elinden câm-ı mül

 Kopmadı şâh-ı gül-i ümmîdden bir dâne gül

 2 Bâd-ı gayretle çıkup ben sana göz açdırmazam

 Gel yakup ey kevkeb-i bahtum vücûdum itme kül

 3 Ben gözüm üzre yaşum şeb-nem gibi itmek nisâr

 Tek hemân güller gibi sen şâd olup ey gonce gül

 4 Arız-ı rengînünün hergiz misâlin görmedüm

 Suları gözden geçirdüm gerçi kim mânend-i pül

 5 Şâm-ı vaslun isterüm Yahyâ dırâz oldugunı

 Zülf-i yâri ohşayup dâ'im dirüm yâ leyl tul

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147