27
Mef‘ûlü mefâ‘îlü mefâ‘îlü fe‘ûlün
1 Sâlik olamaz olmasa âdemde şecâ‘at
Menzil mi alur olmasa zâtında şecâ‘at
2 Vehm ile varılmaz hele gencîne-i ‘aşka
Lâzımdur ola tıynet-i ‘ârifde şecâ‘at
3 Bir kerre düşün cengini Ashâb-ı Kirâmıñ
Gör niçe olur kâmil-i dîn-dârda şecâ‘at
20a 4 Herkesde bulınmaz bu güher biñde bir ancak
Bir mevhibedür mâye-i şüc‘ânda şecâ‘at
5 Çün vehme siper ola tevekkeltü ‘ale'llâh
Bulur zaferi cânib-i a‘dâda şecâ‘at
6 Lâf ile degil münsif iseñ eyleme lâfı
Zâhir olur elbet dem-i hîcâda şecâ‘at
7 Lâyıkdur ola sâhib-i îmânda bu cevher
Sıdkî olamaz mâyesi dûnânda şecâ‘at
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0