[161]
Mef`ûlü Mefâ`îlü Mefâ`îlü Fe`ûlün
 
1 Sanmañ şeref-i sâye-i dâmân ele girmez
 Ten hâk-i reh olmak gerek âsân ele girmez
2 Bir gonçe açılmaz leb-i la`line mümâsil
Ruhsârı gibi bir gül-i handân ele girmez
3 Geşt eylese firdevs-i berîni dil-i `uşşâk
Kûyında olan hâlet-i seyrân ele girmez
4 Erbâb-ı dile râh-ı velâda ne diyem âh
Vuslat gibi bir genc-i firâvân ele girmez
5 Bir gonçede kim lutf-ı tebessüm ola Nâmî
 Bî-tâb olurın çâk-i girîbân ele girmez
 
 
Yard. Doç. Dr. Ahmet YENİKALE  AHMET NÂMÎ  DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ