Şarkı - Sensiz gözüm kan aglarım

 

 
- Şarkı
 
1 Sensiz gözüm kan aglarım
Hâlim ‘aceb bilmez misin
Leyl ü nehâr âh eylerim
Hâlim ‘aceb bilmez misin
 
2 Hayli zamândır gelmediñ
Cûy-ı sirişkim silmediñ
Bendeñde mihmân olmadıñ
Hâlim ‘aceb bilmez misin
 
3 Hiç bendeñi yâd itmediñ
Bir kerre dil-şâd itmediñ
Yıkdıñ da âbâd itmediñ
Hâlim ‘aceb bilmez misin
 
4 Çokdan esîr ü bendeñim
Şâm u seher nâlendeñim
Bir ‘âşık-ı efgendeñim)
Hâlim ‘aceb bilmez misin
 
5 Ey şehr-yâr-ı dil saña
Eyler Şeref-zârıñ recâ
Herkes bilirsin hâliyâ
Hâlim ‘aceb bilmez misin
 
(Müstef‘ilün Müstef‘ilün)

 

ŞEREF HANIM – Dîvân- Ha z ı r l a y a n  - Dr. Mehmet ARSLAN