Saru saçuñ ol perî misk ile zencîr eylemiş

Fâ‘ilâtün Fâ‘ilatün Fâ‘ilâtün Fâ‘ilün(1)

 

1. Saru saçuñ ol perî misk ile zencîr eylemiş

 Bu dil-i dîvânenüñ bendine tedbîr eylemiş

2. Kûh-ı gam âhûsını dilde şikâr itmek içün

 Kaşların kavs eyleyüp kirpüklerin tîr eylemiş

3. İçdügüm hûn-ı cigerdür yidügüm derd ile kan

 Kâsım-ı rûz-ı ezel bu resme takdîr eylemiş

4. Ey benüm şâh-ı cihânum hak uzatsın ‘ömrüñi

 Fikr-i zülfüñ belümi bükmiş beni pîr eylemiş

5. Emriyâ lutf eyle diñle şol nigâruñ nüktesin

 Nâme-i fürkat bu gün ahvâli takrîr eylemiş

 

 

Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427