Şat gibi âb-ı tarab akmaz mı vâdî-i gama

 

(Fâilâtün Fâilâtün Fâilâtün Fâilâtün)

 

 1 Vardı tîr-i medd-i âhım menzil-i feryâda dek

 Açdı râh-ı rahneyi tâ sîne-i fûlâda dek

 

 2 Âlem-i âb eyler icrâ sû-be-sû keyfiyyetin

 Cûy-bâr-ı feyzi cârîdir dil-i nâ-şâda dek

 

 3 Şat gibi âb-ı tarab akmaz mı vâdî-i gama

 Var meyin meydânı sâgarda hat-ı Bagdâd’a dek

 

 4 Îarb-ı dest-i hayretimden zîr-destân-ı şuûr

 Mülkümüzden çıkdı gitdi kişver-i Berbâd’a dek

 

 5 Âlem-i âba letâfet çaglayan cûlardadır

 Gidelim serv-i revânım nehr-i Sa’d-âbâd’a dek

 

 6 Seng-dil bir âfet-i şîrîn-edâya meyl ile

 Nisbetim peyveste oldu Haşmetâ Ferhâd’a dek

 

 

Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ