Şeb-i zulmâda nûr-ı Hakk gibi pinhândur kahve
29.07.2017
Mefâ‘îlün Mefâ‘îlün Mefâ‘îlün Mefâ‘îlün
1. Şeb-i zulmâda nûr-ı Hakk gibi pinhândur kahve
Ya zulmât içre reşk-i çeşme-i hayvândur kahve
2.2a Nebâtîdür veli hayvândan da vâye-düzd olmış
Tesettür itmiş anda gerçi kim hayvândur kahve
3. Te’emmül eyledük de ma‘ni-i rahmânı zâhirde
Muharrâyâna gûyâ rahmet-i rahmândur kahve
4. Görince ba‘si elbet münkirân ba‘s ider ikrâr
Hele şekker ‘ulu kabrinde kîne-cândur kahve
5. Kibâruñ yüzi agıdur sıgâruñ def‘-i sevdâsı
Hele ârâyiş-i her bezm ü her dîvândur kahve
6 Habeş reftâr ‘asel güftâr u mey kirdârdur ‘ammâ
Necâşîdür süveydâlarda rengîn hândur kahve
7.7a Mu‘âvindür ser-i sevdâ-yı hûbândur siyeh-hâle
Hele hem meşreb-i sevdâger-i ‘irfândur kahve
8. İder ifnâ vücûdın ba‘d-ı cüst-cû-yı vasleyler
Ferîde-hºân-ı küllü men ‘aleyhâ fândur kahve
9. Egerçi esvedânda rû-sepîdân neş’e bulmazlar
Ve-lâkin karalar mülkinde san sultândur kahve
10. Muvakkat mey gibi Kânî degüldür neş’e vü zevki
Safâ-bahşâylıkda her dem ü her ândur kahve
Dr. İlyas YAZAR , K Â N Î D Î V Â N I, Ankara 2012
