02.08.2017
Fâ’ilâtün Fâ’ilâtün Fâ’ilâtün Fâ’ilün
1 Şehri pür-nûr itdi gerçi bedr-i enver baklava
Salmadı pertev baña mihr-i münevver baklava
2 Sanmañuz anı kevâkib zeyn olup bâdâm ile
Safha-i eflâk olupdur sanki yek-ser baklava
3 Hasretinden bülbülâsâ aglarisem tañ degül
Verd-i terdür gülşen-i matbahda biter baklava
4 Yılda bir kez yirse iller baklavayı ben fakîr
Yimemişdür pâdşâhum niçe yıllar baklava
5 İştihâ ile semâya eyler isem bir nazâr
Görinür gözüme mihr ü meh iki ter baklava
6 Bal u yag ihsân idüñ zîrâ elümüz yufkadur
İdelüm el bir idüp ey nîk-mahzar baklava
7 Dostuñ merfû’-kadr ü düşmenüñ meksûr ola
Feth-i bâb it padişâhum iderüz cer baklava
8 Gündüzin sâ’im gice kâ’im olan üftâdeler
Hazretüñden bu gice ey şeh umarlar baklava
Filibeli Dervişzade Abdurrahman Vecdi Kimdir
Prof. Dr. Hasan KAVRUK, Dr. Bahir SELÇUK, FİLİBELİ VECDÎ ve DÎVÂN’I (METİN-DİZİN), © T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3366 ,MALATYA 2009
0
0
Yorum Yapmak için Kayıt Olun veya Giriş Yapın