Fe‘ilâtün Fe‘ilâtün Fe‘ilâtün Fe‘ilün

 

1 Şem‘a pervâne ile güft ü şinîd olmaz hîç

Sûz-ı dil kâsıd olan yerde berîd olmaz hîç

 

2 Subh u şâm şeb ü rûz gam u şâdî birdür

Biz karâr itdigümüz şehrde ‘îd olmaz hîç

                                                           

3 Tıfl-ı eşküm gibi çeşmüm yeridür yârânun

Hâne-i âyîneye kufl u kilîd olmaz hîç

 

4 Neylesün terbiyet-i pîr-i mugân zühhâda

Âb-ı meyhânede turmakla pelîd olmaz hîç

 

5 Varını yâra nisâr eyledi Âgâh u dirîg

Defter-i mihr ü mahabbetde resîd olmaz hîç

 

 

Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,