Senüñçündi rakîbân ile nâverdüm niçün küsdüñ
14.04.2016
Mefâ‘îlün Mefâ‘îlün Mefâ‘îlün Mefâ‘îlün
1. Senüñçündi rakîbân ile nâverdüm niçün küsdüñ
Yoluñda bî-muhâbâ cânımı virdüm niçün küsdüñ
2. Beni dirdüñ ki bu kutbu’d-devâ’ir-i mahabbetde
Miyân-ı merkez-i ‘ışkuñda mihverdüm niçün küsdüñ
3. Nigâh-ı germ mi itdüm ya bâd-ı serd mi esdi
Günâhum ne ne oldı bâ‘is-i tardum niçün küsdüñ
4.4a Sihâm-ı cân-güdâz-ı âhı atdum tâ verâ-yı ‘arş
Kemân-ı şevkı ol gâyetde gördüm niçün küsdüñ
5. Eger esrâruñı fâş eyledümse gizleme lillah
Seni ben cânlar ortasında gizlerdüm niçün küsdüñ
6.6a Visâlin hºâhişin ‘arz eylemişdüm cân-güstâhuñ
Anı da añladuñ bildüñ haber birdüm niçün küsdüñ
7. Yoluñda dîde salkum salkum incüler nisâr itdi
Hemân bir cân kaldı anı da serdüm niçün küsdüñ
8.8a Her a‘zâ zerre zerre pâre pâre laht laht oldı
Hemân bir cân kaldı anı da serdüm niçün küsdüñ
9. Gül-âb-efşân-ı hüsn-i tesliyet idüñ baña evvel
Çü yanuñda buhûrdân ile ‘anberdüm niçün küsdüñ
10. O gül-rûh esb-i nâz üzre piyâde ben niyâz-âmiz
Şeh-i satranca döndi kur’a-i nerdûm niçün küsdüñ
11. Gelürdüñ Kânîye her-bâr yılduzlar barışmışdı
Tutup öpsem de küsmez ba‘d-ez-în derdüm niçün küsdüñ
Dr. İlyas YAZAR , K Â N Î D Î V Â N I, Ankara 2012
0
1
Yorum Yapmak için Kayıt Olun veya Giriş Yapın