Şerha-dârân-ı gamın sîne-i uryânına bak

 

 

140

 (Feilâtün Feilâtün Feilâtün Feilün)

 

 1 Şerha-dârân-ı gamın sîne-i uryânına bak

 Vech-i meşrûh ile ser-defter-i hicrânına bak

 2 Suver-i pür-iber-i âlemi seyr ise murâd

 Felegin nev-be-nev âyîne-i devrânına bak

 3 İlm-i zâhirde cedel-kâr u galat-fehm olma

 Dersgâh-ı hikemin nüsha-i irfanına bak

 4 Bu temâşâ-geh-i âlemde acâib görünür

 Aç gözün dîde-i ibret ile seyrânına bak

 5 Haşmetâ girye-i hicrâna nazar-endâz ol

 Âlem-i ışkımızın lücce-i ummânına bak

 

 

Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ