Serv-i revânı tâze tutan çünki âb imiş

Mef‘ûlü/ Fâ‘ilâtün/ Mef‘ûlü/ Fâ‘ilâtün

 

Serv-i revânı tâze tutan çünki âb imiş

Kûyuñda yaşum akdugı aynı harâb imiş

 

Âfâk-ı dil kararsa yaşum boşanur hemân

Bârân-ı eşküme gam-ı ‘ışkuñ sehâb imiş

 

Âb-ı hayât eger leb-i cânândaki ise

Hızr’uñ cihânda behresi ancak serâb imiş

 

Sür‘atle geçse yâr-ı ‘azîzüm ‘aceb degül

Çün her zamânda ‘âdeti ‘ömrüñ şitâb imiş

 

Kimdür Behişti dirseñ eger sâkıyâ dün ol

Ser-kûşe-i mugandaki mest ü harâb imiş

 

 

Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/