Şeyhül'islam Yahya Şiirlerinden Seçmeler
DİVANINDAN SEÇMELER
Bakar
Hemîşe merdüm-i çeşmim izâr-ı yâra bakar
Gözüm o pencereden sahn-ı lâle-zâra bakar
Zaman gelir yine zerrîn kadeh alır eline
Çemende nergis-i şehlâ hemân bahara bakar
Nesîm-i lütfunadır intizârı fülk-i dilin
Çoğ oldu sahil-i mihnette rûzigâra bakar
Seni gelir işidip bağa yâsemen cânâ
Çıkıp o şevk ile dîvâr-ı reh-güzâra bakar
Ne i'tibâr bu evzâ'a merd olan Yahya
Ne zillete nazar eyler ne i'tibâra bakar
Gazel
Mescidde riyâ-pîşeler itsün ko riyayı
Mey-hâneye gel kim ne riya var ne mürâyi
Ey câm-ı safa talibi bi-hûde özenme
Cem’le bile defn eylediler câm-ı safâyı
Redditmiş idi yâr rakibi eşiğinden
Gelmiş o siyeh-rû yine gördün mü belâyı
Def’ idemedik ceyş-i gamı sa’y idegördük
Tedbir ne mümkin boza takdir-i Huda’yı
Yahya nice âvâre-i aşk olmayayım ben
Dil-berse güzel dilse nihâyetde havâyî
Yahyânın olup sözleri hep sırr-ı mahabbet
Yârân işitip söyleme yâbâne desinler
Gazel /
Açılmadın İncitdi Seni Zâtı Hezârın
Açılmadın incitdi seni zâtı hezârın
Ey gonce-i ter gönlü müsün bülbül-i zârın
Bülbüller öter güller açar şâd gönül yok
Hiç böyleliğin görmemişiz fasl-ı bahârın
Âgaazı güzel eyledin ey bülbül-i şeydâ
Hoş gelmedi ammâ dil-i pür-şevke kararın
Hâlin ideli gamze-i hûn-hâra takarrüb
Hûn itdi dilin nâfçe-i müşg-i Tatârın
Yahya ko dili pârelesün Iâle-sıf at yâr
Gül-zâr-ı gamın revnakıdır kalb-i figârın
Gazel
Mescidde riyâ-pîşeler itsün ko riyayı
Mey-hâneye gel kim ne riya var ne mürâyi
Ey câm-ı safa talibi bi-hûde özenme
Cem’le bile defn eylediler câm-ı safâyı
Redditmiş idi yâr rakibi eşiğinden
Gelmiş o siyeh-rû yine gördün mü belâyı
Def’ idemedik ceyş-i gamı sa’y idegördük
Tedbir ne mümkin boza takdir-i Huda’yı
Yahya nice âvâre-i aşk olmayayım ben
Dil-berse güzel dilse nihâyetde havâyî
Gazel / Çok
Bir dil-rübâya düşdü gönül mübtelâsı çok
‘Aşkun safâsı yok değül ammâ cefâsı çok
Şehr-i cemâl o gamze vü ebrû vü hâl ile
Hakkâ ne cây-ı dil-keş olur dil-rübâsı çok
Bin câna virmeye n’ola bir bûsesini yâr
Az olıcak metâ’ olur anın bahâsı çok
Hiçbir belâ mı var ki gönül anı bilmeye
Seyyâh-ı bî-karârın olur âşinâsı çok
Zülf-i siyâh-ı yârda var sad-hezâr çîn
El çek tolaşmadan ana Yahyâ hatâsı çok
Gazel / Olsa Bize
Yâr açılsa da biraz bâde-i nâb olsa bize
Gelse sâkî sebeb-i ref-i hicâb olsa bize
Tâc-i Dârâ'da olan gevheri biz neyleyelim
Câm-ı Cem'de sunulan lâ'l-i müzâb olsa bize
Bâde-l-humm-i mecazî bize te’sir etmez
Eski meyhâreleriz köhne şarap olsa bize
Ehl-i dil düşmeni hussâda acep nettik biz
Şâd olur her biri bir güne, azâb olsa bize
Kande var tâze güzel deyu arardık Yahyâ
Yâri tenha bulucak sonra cevâb olsa bize
Gazel / Olmasın Dirsün
Komayub tâkatim feryâda nâlân olmasun dirsün
Gözüm yaşını alursun da giryân olmasun dirsün
Cefâ taşıyla mir'ât-ı dilim sad pare eylersin
Ne mümkündür yine hatır perişan olmasun dirsün
Melâhat mülkini teshir idüb şemşîr-i gamzenle
Güzellik kişverinde gayrı sultân olmasun dirsün
Benim zannitdüğüm bu kim gurûr-i hüsnüne bir gün
Felekde mihr-i rahşân tmâh-ı tâbân olmasun dirsün
Nice kul olmasun Yahya sana ey pâdişâh-ı hüsn
Yolumda senden özge kimse kurbân olmasun dirsün
