Sıhhat-nâme Berây-ı Sultân Ahmed Han
fe‘ilâtün fe‘ilâtün fe‘ilâtün fe‘ilün
I
1 Ey şifâ-yı ferah-efzây-ı hümâyûn-makdem
Eyledüñ gülşen-i dünyâyı yine reşk-i İrem
2 Tâzelendi yine ol gülbün-i bâğ-ı devlet
Dem-i cân-bahşuñ ile oldı meserret hem-dem
3 Görse tebhâle-i la‘l-i leb-i efsürdesini
Âb-ı hasretle ider Zühre ‘ilâc-ı em sem
4 Çeşm-i bîmâr-ı dil-ârâda olan hâlet ile
Rûh-ı ‘âlemde nümâyân idi za‘f ile elem
5 Müjde-i sıhhati şâd itdi bütün dünyâyı
Böyle eyyâm-ı sürûr içre çi endûh u çi gam
6 Tab‘-ı şûrîdemüz oldı bu ferahla bülbül
Nice dem olmış iken hüzn ile lâl ü ebkem
7 Şöyle ser-şâr-ı neşât oldı zemîn ile zamân
N’ola bu demde bihişt olmasa yâd-ı âdem
8 Nice bu demde cihân olmaya şâd u hurrem
Buldı sıhhat o şehinşâh-ı penâh-ı ‘âlem
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0