Şikâf-ı sîne-i çâkümden alduñ cân-ı mahzûnı

30.07.2017

 
Mefâ‘îlün Mefâ‘îlün Mefâ‘îlün Mefâ‘îlün
 
1. Şikâf-ı sîne-i çâkümden alduñ cân-ı mahzûnı
Cigerden alma bârî nâvek-i dil-dûz-ı pür-hûnı
2.2b O perçem zîr-i fesden ol zenahdân perde-i hatdan
Neler itdi baña açmazdan gör baht-ı vârûnı
3. Olur fevvâre-i hûn her bün-i mû cism-i ‘âşıkda
Bütânuñ mûydâr oldukca câm-ı la‘l-i mey-gûnı
4. Tahammül sâhibin bâzîçegâh-ı ıztırâb itmez
Temâşa eyle tûfânzâr-ı yemde fülk-i meşhûnı
5. Şeb-ârâ olsa yek-çeşm olmasa hâtır-şinâs olsa
O mâh-ı nev-hata teşbîh iderdüm mihr-i gerdûnı
6. Siyeh-kârî-i tâlî‘ sabr ile tebdîl-i reng eyler
Ki Leylî müşrif-i subh-ı hakîkat itdi Mecnûnı
7. Miyân-ı vasf-ı hattuñda suhendânuñ idüp îrâd
İder sîr-âb-ı Kânî sebzezâr-ı bâg-ı mazmûnı
 
Dr. İlyas YAZAR , K Â N Î D Î V Â N I, Ankara 2012

Yorum Yapmak için Kayıt Olun veya Giriş Yapın

Yorumlar