Sînesin göstermez açmaz ol deri birden bire

 

Fâ‘ilâtün Fâ‘ilâtün Fâ‘ilâtün Fâ‘ilün

 

1. Sînesin göstermez açmaz ol deri birden bire

Bâd-ı serden âhdan saklar deri birden bire

2. Şöyle ol dem çeşm-dûz-ı semt-i bâb-ı vuslatuñ

Zarfdur sanmam hele harf-i deri birden bire

3. Hakk sözi evvel-be-evvel söylemez medhin mezâk

Bulmadum bu bâbda togrı deri birden bire

4. Egrilik tahrîf erbâbından añlanmaz peşîn

Añlaşılmaz harf-i bâ-lukne’t-deri birden bire

5. Gözlerin bir lahza kıpmaz ‘âşık hasret-zede

Divşirilmez bî-tekellüf yâş deri birden bire

6. Istılâh-ı ‘ışk bir başka edâdur Kâniyâ

Fehm olunmaz fârisiyyât-ı deri birden bire

 

Dr. İlyas YAZAR , K Â N Î D Î V Â N I, Ankara 2012

       Tokatlı Kani Hayatı Edebi Kişiliği Şiirleri

       Tokatlı Kani Divanı ve Diğer Eserleri