Şitâ’iyye-i Hezl-âmîz Berây-i Edrine

KASİDE

 

 mefâ’ilün fe’ilâtün mefâ’ilün fe’ilün

 1. Şitâda Edrine şehri garîb hâletde

 Ki i’tidâl ile âb ü hevâ bürûdetde

 2. Muhâldür reh-i yah-bestesinde âmed-şud

 Ki ser takaddüm ider pâydan refâkatde

 3. Nihâl-i bâgları mürde-i kefen-ber-dûş

 Kenâr-i bâmı sinân-i gamı irâ’etde

 4. Şikeste câmları şeh-nişînleri ber-hâk

 Kibârı hâne-harâb ehl-i sûkı zilletde

 147

 5. Bahârı gerçi cevâhir-nisâr imiş tutalum

 Olur rahîs güher buz olursa kıymetde

 6. Cevânı berf ile pîr-i sefîd-rîşe döner

 Eser kalur mı bu vech ile hüsn-i sûretde

 7. Çü i’tidâl-i hevâ ‘ilm ü ma’rifet nâ-yâb

 Tıbâ’-i ehl-i beled müttefik cehâletde

 8. Misâl-i berf nukûd-i müsâfirân zâyi’

 Ricâl-i şehr çü yah cem’ âb-i devletde

 9. Siyâh fahm ile âteş bahâsına hîzem

 Netîce serdî-i kaht ile dil meşakkatde

 10. Virürdi dûzahiyâna cahîmi minnet ile

 Bu şehre Mâlik eger gelse kış kıyâmetde

 11. Isınmaz âdeme mânend-i seng-i serd-mizâc

 Sovuk mu’âmelesi halkınun tabî’atde

 12. Kinâyedür garaz ıtlâk-i dâr-i meymeneden

 Bu şehre var mı mu’âdil ‘aceb nuhûsetde

 13. Sirişk-i dîde nemekveş tonup fütâde ider

 Nigâh-i lagziş-i pâ reh-güzâr-i hayretde

 14. Keser kılıç gibi kış pây-i merdüm-i çeşmi

 Şikâf-i pencereden taşraya nezâretde

 15. Zihâmı râhda gerdûnelerle gâvlarun

 Kişiye mâni’ olur bir yere ‘azîmetde

 16. Kabâda hubs-i bakar dâmeninde levs-i vahal

 Güzâr iderse de ‘âciz kalur tahâretde

148

 17. O denlü şiddet-i sermâ-yi buhl ü imsâki

 Ki dest-i ehl-i kerem cümle ceyb-i hissetde

 18. Yine Sıtanbul ile da’vî-i tesâvîde

 Edirne halkı ‘aceb rütbe-i hamâkatde

 19. Dahı şedâ’id-i sermâyı vasf iderdüm lîk

 Midâdum oldı füsürde dem-i kitâbetde

 

(Fatma Sabiha KUTLAR OĞUZ, ARPAEMÎNİ-ZÂDE MUSTAFA SÂMÎ  DİVANI https://ekitap.kulturturizm.gov.tr/Eklenti/10592,arpaeminizade-samipdf.pdf?0