Şitâb-ı pây-ı himmetle tarîk-i ilticâdan geç

NAZÎRE Lİ-HAZRET-İ NÂBÎ MERHÛM

 

 (Mefâîlün Mefâîlün Mefâîlün Mefâîlün)

 

 1 Şitâb-ı pây-ı himmetle tarîk-i ilticâdan geç

 Sebük-seyr-i tevekkül ol gönül bâb-ı recâdan geç

 

 2 Yeter ey merdüm-i dîde sirişki eyledin pür-cûş

 Bu deryâ-yı peyâpey-mevc-i mihnetde şinâdan geç

 

 3 Alâyık sedd-i râhıdır sebük-pâyan-ı tecrîdin

 Gidersen dergeh-i Hakk’a güzergâh-ı fenâdan geç

 

 4 Bize teşrîfe mani vadine incâzdır ammâ

 Be hey zâlim hele bir kerrecik semt-i vefâdan geç

 

 5 Görünce seyl-i eşkim meyl edip Haşmet dedi ol şûh

 Bu seyl-âb-ı firâkı cisr-i vasl-ı dil-rübâdan geç

 

 

Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ