Mefʿūlü fāʿilātü mefāʿīlü fāʿilün

Şol dil-rübā ki ḥüsn ilinüñ kişveri geçer
Bir şehdür ol ki cān u göñül leşkeri geçer

Ol dil-rübāya dil nice olmaya müşteri
Cümle cihān güzellerinüñ serveri geçer

Virse żiyā cemāli cihāna ʿaceb midür
Ol dil-berüñ ki ḥüsn·i cemāl enveri geçer

Cellād çeşmi cānuma ḳaṣd itmedün henüz
Derdlü yürege ġamzesinüñ ẖançeri geçer

Cān viremez yolumda dime Mihrī dōstum
Ṣādıḳlaruñ cihānda bu daẖi beri geçer

 

Prof. Dr. Mehmet Arslan, Mihrî Hâtun Dîvânı, T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2018 ISBN: 978-975-17-4027-4