Śordı emdüñ mi diyü laǾlini itdüm inkār

FeǾilātün FeǾilātün FeǾilātün FeǾilün
(FāǾilātün) (FaǾlün)
(64/a)
 
1. Śordı emdüñ mi diyü laǾlini itdüm inkār
Ben utandum śorayın sen viresün didi nigār
2. Zülf-i ħam-geştesine ŧaķılur ol lāle-ruħuñ
Görelim kim ola çengel çiçegin zülf-i nigār
3. Būse-i laǾline cān naķdini vir fevt itme
Bu meŝeldür ki ölüm yiridür ey dil bāzār
4. Būse-i laǾlüñe cān ile ħarįdār oldum
Az ise de çoġa ŧut ey şeh-i Ǿālį-miķdār
5. Śafrını çekdi nezāketle anuñ Ǿārifler
Yazılu Ǿāşıķ imiş dil-bere Bāķį dįnār

Beyhan KESİK, BİR YAZMADAN HAREKETLE BÂKÎ’NİN YAYIMLANMAMIŞ ŞİİRLERİ, Turkish Studies - International Periodical For The Languages, Literature and History of Turkish or Turkic Volume 7/1 Winter 2012, p.1489-1500 , TURKEY