55.
Fâ‘ilâtün fâ‘ilâtün fâ‘ilâtün fâ‘ilün
Remel - . - - / - . - - / - . - - / - . –
01. Söyledürse murg-ı cânı la‘l-i dil-ber söyledür
Tûtî-i gûyâları gûyâ ki şekker söyledür
02. Şöyle dil ballandur[ur] şekker-lebüŋ vasfını kim
Gûş ėden yine sorup anı mükerrer söyledür
03. Döndi mutrib bülbüle sâkî mey-i gül-fâmdan
Âdemi bilmem ne hâletdür bu kâfer söyledür
04. Tûtî-i câna yine âyîne-i dîdâr-ı ‘ışk
Bir şeker-leb şevkine şîrîn gazeller söyledür
05. Ėy VUSÛLÎ kâbiliyyetdür velî ehl-i dili
İltifât-ı pâdişâh-ı heft-kişver söyledür
Hakan TAŞ, VUSÛLÎ [ö. 1592], DÎVÂN [İnceleme-Metin-Çeviri-Açıklamalar-Dizin], T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3308 KÜLTÜR ESERLERİ Ankara 2010