Söylemez ol gonce-leb cânâne söyleñ söylesün

Fâ’ilâtün Fâ’ilâtün Fâ’ilâtün Fâ’ilün

1 Söylemez ol gonce-leb cânâne söyleñ söylesün

Nâz ile ben bülbül-i bî-câne söyleñ söylesün

2 Gussa-i Ashâb-ı Kehf’üñ kıssasın şerh itmege

Agız açan gâr-ı bî-pâyâne söyleñ söylesün

3 Çeşm-i pür-nem hâlini itsün hikâyet cânlar

Sözümi germ-âbe-i sûzâne söyleñ söylesün

4 Dâmen-i pâkîze-i Yûsuf neden çâk oldugın

Mehd içinde tıfl-i bî-dermâne söyleñ söylesün

5 Kimsenüñ ol şâha yok güftâre Vecdî kudreti

‘Arz-ı hâl-i ‘âşıkı hoş-hˇâne söyleñ söylesün

Filibeli Dervişzade Abdurrahman Vecdi Kimdir

Prof. Dr. Hasan KAVRUK, Dr. Bahir SELÇUK, FİLİBELİ VECDÎ ve DÎVÂN’I (METİN-DİZİN), © T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3366 ,MALATYA 2009