Şu denlü virdi safâ câme-i sefîd sana

 

1 Şu denlü virdi safâ câme-i sefîd sana

Ki ‘arz-ı tîregî eyler sabâh-ı ‘îd sana

 

2 Ko nîm-i bismil-i nâz u girişme kalsun dil

K’olur mukâbele-i ecr-i sad şehîd sana

 

3 İderdi tâ‘at-ı sad-sâlesin rehîn-i mecâz

Bu hüsn ile nazar itseydi Bâyezîd sana

 

 4 Senünle mihrveş ey çarh-ı sîne-sâf olalum

 Bu baht-ı tîre bana ahter-i sa‘îd sana

 

 5 Hicâb olursa eger böyle zülf-i ye’s Âgâh

 Olur mı çehre-nümâ şâhid-i ümîd sana

 

 

Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,