Şükûh-ı saltanatdur şevket-i şâhâne şâhâna
Uluvv-ı menkabetdür himmet-i merdâne merdâna
Đder miydi meğer rindân-ı meclis leb-be-leb hem-râz
Döneydi turmayaydı itdüği peymâna peymâne
Karâr itsün mi esbâb-ı ferâhim-kerde-i endûh
Koyup sâkî getürdi bâdeyi meydâne meydâna
Nedür bu ıztırâbun pây-ı şem'-i bezmde bilmem
Fedâ-yı bâl ü perden sonra ey pervâne pervâ ne
Meâlin fehme tahsîl itmedükçe kuvvet-i idrâk
Bakup n'itsek gerekdür bilsem ey dîvâne dîvâna
Đder âşık eğerçi ketme kûşiş sûz-ı pinhânın
Velî rûyındaki bu reng-i ayva yâ ne âyâ ne
Ko dil kalsun hayâl-i zülf ile zindân-ı hicrânda
Olur cây-ı selâmet düzd-i nâ-tersâna tersâne
Eğerçi fark ider nân-ı cevini nân-ı gendümden
Dimez sûfî bulursa dest-res büryâne büryâna
Girer Nâbî murâdun deste pîrân-ı tarîkatden
Hemân eyle tevessül dâmen-i rindâna rindâne
(Bilkan 1997: 1026/754)