5
 Sultân-ı Kerbelâ
 
 mef‘ûlü fâ‘ilâtü mefâ‘îlü fâ‘ilün
 
 1 Rûhî fidâke ey gül-i âl-i Muhammedî
 Nev-bâve-i hadîka-i esbât-ı Ahmedî
 2 Şîr-i şeh-i cenâb-ı şefîk-i Hasan Hüseyn
 Bir şeh ki tahtgâh-ı sa‘âdet mü’ebbedi
 3 Nûr-ı dü çeşm-i hazret-i şâhenşeh-i Necef
 Nâzende âl-i beyt-i habîbüñ ser-âmedi
 4 Ehl-i Irâk’a devlet ü ‘izzet yeter anuñ
 Âmâlgâh-ı ‘âlem olan hâk-i Meşhed’i
 5 Dergâh-ı pâk-i meşhedine yüz sürenlerüñ
 Nakd-i murâd-ı her dü cihândur der-âmedi
 6 Rû-mâlgâh olursa sezâ hâk-i Kerbelâ
 Âgûşa aldı sen gibi bir zât-ı emcedi
 7 Zâtuñ gibi ‘azîz-i cihânuñ ‘adûları
 Olsun hemîşe ka‘r-ı cahîmüñ muhalledi
 8 Ol nâzenîn-i dehri belî sevmeyen Yezîd
 Şâyân-ı seng-i ta‘na degül la‘n-i sermedi
 9 Nâ’il be-kâm olmaya mı Kâmi-i hakîr
 Kim itdi zîb-i cebhe bu hâk-i mümeccedi
 
 
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0