Sun iy sâkî mey-i gül-gûn ki fasl-ı nev-bahâr oldı (671/1)
Çemen dürlü çiçeklerden girü dâru’l-karâr oldı
Yirüñ yüzi reyâhinden gül-ile lâle renginden (671/2)
Dahı nergisle nesrînden tolu nakş-ı nigâr oldı
Nite kim dil-ber-i sen-gül gül-istânda bezenüp gül (671/3)
Anuñ karşusına bülbül girü hayrân u zâr oldı
Dur örü iy leb-i şîrîn getürgil bâœe-i rengîn (671/4)
Bu gün ki_olup hevâ müşgîn bulıt gevher-nisâr oldı
Bu ömr virmegil bâœa kadeh sun iy perî-zâde (671/5)
Ki nûş itmeklige bâœe girü hoş rûzigâr oldı
Cihân gerçi toludur gam çemende bâœe iç bir dem (671/6)
Kim bu zahma ki var merhem şarâb-ı hoş-güvâr oldı
Kadeh sun iy gözi ala baña çin bahduñ ahvâle (671/7)
Ki bî-mey şöyle kim lâle içüm yanup figâr oldı
İ bülbül cân belâsında saña hem ten kazâsında (671/8)
Bu zâg u bûm arasında ne müşkil ıztırap oldı
Bilürsin Ahmedî rahmet degüldür zühd-ile kısmet (671/9)
Saña bes tevbe ne hâcet ki nâ-geh ihtiyâr oldı
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,