Sünbüllerünçün oldı perîşân dimâg-ı dil

 

 

Mef`ûlü fâ`ilâtü mefâ`îlü fâ`ilün

 

 1 Sünbüllerünçün oldı perîşân dimâg-ı dil

 Zâhir olursa lâle-sıfat nola dâg-ı dil

 

 2 Gül-ruhlarun mahabbeti düşdi derûnıma

 Her dem bahâr olursa nola bâg u râg-ı dil

 

 3 Yakdı fetîl-i dâgumı ol âteşîn izâr

 Irince rûz-ı haşr söyünmez çerâg-ı dil

 

 4 Ab-ı revân-ı hançer-i hûn-rîz-i yâr ile

 Güller bitürdi hurrem olup yine bâg-ı dil

 

 5 Mühr urdı dâg-ı gam göricek aşkun ile pür

 Bir dahı mümkin olmadı Yahyâ ferâg-ı dil

 

 

Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147